MOSTRI

Mostri mætir liði ÍG í 4 liða úrslitum 2. deildar. Leikurinn fer fram í Grindavík sunnudaginn 5. apríl klukkan 15:30. ÍG sigraði A riðil með 11 sigra og 4 töp. Þetta er án efa lang mikilvægasti leikur Mostra frá upphafi. Sigur gegn ÍG þýðir að Mostri hefur unnið sér rétt til að leika í 1. deild næsta tímabil. Við hvetjum því alla sem verða á ferðinni í Grindavík á sunnudaginn að kíkja við og hvetja Mostra til sigurs.
03.04´09


sg

Mostri sigraði lið ÍBV  í 8 liðum úrslitum 2. deildar. Leikurinn var í járnum nánast allan leikinn en Mostri náði að knýja fram sigur með góðum  4. leikhluta sem þeir unnu 29 -15. Lokastaðan 67 - 57 fyrir Mostra sem að mæta ÍG í 4 liða úrslitum n.k. sunnudag. Maður leiksins var að öðrum ólöstuðum Gummi en hann setti niður 5 þrista í leiknum úr 9 tilraunum. Þar af 4 í röð undir lok 3ja leikhluta og í byrjun þess 4ða. Stigaskor Mostra ; Árni 17, Gummi 15, Róbert 14, Bjarne 9, Birkir 7, Óskar 5 og Sveinn 2.
Myndbandið úr leiknum er komið inn.
28.03´09


afd

Mostri tölfræði 2008-09

Samantekt á tölfræði Mostra tímabilið 2008-09. Nánari og ýtarlegri tölfræði verður birt fljótlega.

Mostri sigraði ÍA í síðasta leik deildarkeppninnar, 71-68. Mostri hafði yfirhöndina allan leikinn og náði mest 14 stiga forskoti undir lok annars leikhluta. En ÍA börðust sem ljón og náðu að minnka muninn jafnt og þétt og náðu muninum niður í 1 stig þegar að um mínúta var eftir, 69-68. Það var svo Róbert sem rak lokahnykkinn á þetta með góðu sniðskoti og 3 stiga sigur í höfn. Ekki er enn vitað hvort Mostri endar í fyrsta eða öðru sæti riðilsins en það ætti jú að skýrast fyrir úrslitakeppnina.
Stigahæstur hjá Mostra var Árni með 19 stig og aldrei þessu vant var hann með 100% vítanýtingu.

Mostri og Brokey mættust í Stykkishólmi 7 mars sl. Þetta var þriðja viðureign liðanna í vetur og hafði Brokey haft betur í fyrri tvö skiptin. Mostramenn mættu ákveðnir til leiks og náðu öruggri forystu strax í 1sta leikhluta, 25 - 8. Annar leikhlutinn byrjaði svo með látum hjá Mostra, Bjarne setti þrist starx í byrjun og Gummi bætti  við þremur þristum í röð áður en Bjarne setti niður fimmta þrist Mostra í röð. Mostri hélt áfram að spila góða vörn og komust Brokeyjarmenn lítið áleiðis gegn henni. Staðan í hálfleik var 49-25 fyrir Mostra.
Róbert opnaði 3ja leikhlutann með þristi og Mostri hélt áfram að bæta í forystuna. Mestur varð munurinn á liðunum 36 stig, 66-30. Staðan að loknum 3ja leikhluta var 68-33.
Mostri slakði heldur betur á í 4ða leikhluta og vann Brokey leikhlutann 9-16. Lokastaða 77- 49 fyrir Mostra. Góður sigur liðsheildarinnar þar sem að 5 leikmenn Mostra skoruðu 10 stig eða meira.
Stigahæstur hjá Mostra var Birkir með 19 stig og hjá Brokey var Hrannar með 15 stig.
10.03´09

sg

Mostri sigraði Reyni frá Sandgerði naumlega, 65-64, laugardaginn 28 febrúar sl. Mostramenn mættu heldur værukærir til leiks og náðu sér aldrei á strik. Þetta var einn af ljótustu sigrum Mostra frá upphafi og verða menn að mæta tilbúnari en þetta í næstu leiki ef ekki á illa að fara. En sigur er sigur og Mostri heldur enn í heimavallarréttinn í 1. umferð úrslitanna sem framundan er.
Stigahæstur hjá Mostra var Birkir með 26 stig og Óskar setti Mostramet með 22 fráköst.
Næsti leikur Mostra er laugardaginn 7. mars klukkan 17:00 gegn Brokey.